Давид Дегтярев Париждегі Паралимпиада ойындарында алтын медаль еншіледі

Қазақстандық Давид Дегтярев Париждегі Паралимпиада ойындарының чемпионы атанды. Бұл туралы ҚР Ұлттық Олимпиада комитетінің баспасөз қызметі хабарлады.

Хабарламада "Давид Дегтяревті Париждегі Паралимпиада ойындарының алтын медалімен құттықтаймыз. Бүгін қазақстандық пауэрлифтер Паралимпиада финалындағы ең үздік нәтиже көрсетті. Осылайша, Давид Дегтярев Паралимпиада ойындарында екі рет топ жарған Қазақстан тарихындағы тұңғыш чемпион атанды" - деп жазылған.

Давид Дегтярев пауэрлифтингтен 54 келіге дейінгі салмақ дәрежесінде топ жарды. Оның ең үздік нәтижесі – 188 келі.

Айта кетелік, Дегтярев өз мансабында екінші рет Паралимпиада ойындарында жеңіске жетіп отыр. Бұған дейін ол Токиодағы пара ойындарда чемптон атанған еді.

Фото: ҰОК