Шахматтан Қазақстан Ұлттық әйелдер құрама командасы елге оралды

Шахматтан Қазақстан Ұлттық әйелдер құрама командасы елге оралды, деп хабарлайды qazradio.fm.

Бұған дейін, шахматтан Қазақстан Ұлттық әйелдер құрама командасы Мажарстанның Будапешт қаласында өткен 45-і Бүкіләлемдік шахмат Олимпиадасында 2- орын алғанын хабарлаған болатынбыз.

Бәсеке 10-23 қыркүйек аралығында өтті. Аталған жарыста әйелдер арасында 180 мемлекеттен 907 қатысушы, оның ішінде 71 гроссмейстер және 163 халықаралық шебер бақ сынады.

Командада әлем, Азия  чемпиондары, жүлдегерлері  мен халықаралық жарыстардың жеңімпаздары  Асаубаева Бибисара, Камалиденова Меруерт, Нұрман Алуа, Балабаева Ксения, Кайырбекова Амина өнер көрсетті. Қыздар 11 турда 18 ұпай жинады.

Жарыстың қорытындысы бойынша Үндістан бірінші, Қазақстан екінші, АҚШ үшінші орынға жайғасты.

Ұлттық құрама мүшелері  бүгін 08:15-те Астана әуежайына жетті.