Астанада Елдос Тоқтарбайдың “Тау құсы” атты кітабының тұсауы кесілді

Бүгін белгілі балалар жазушысы Елдос Тоқтарбайдың “Тау құсы” атты кітабының тұсауы кесілді.
Автор өз еңбегіндегі “Айтыс” , “Көзімді құртпайын” тәрізді әңгімелерінде смартфонды шектен тыс пайдаланудың зардабы жайлы байыптап баяндайды. Жазушының сөзінше, әлемде белең алған “цифрлық аутизммен" күрес таным көкжиегін кеңейтумен тікелей байланысты. Бүлдіршіндердің болашағына алаңдаулы азамат осы еңбегі арқылы кітап оқуды “кішкентай достарына” насихаттайды. Атаулы жиын Астана қаласының №3 балалар кітапханасында өтті. Шараға жазушы Жанат Елшібек, Бижан Құрманғалиева, алаштанушы Данияр Ихсан және жас оқырмандардан №14 мектеп гимназиясының оқушылары қатысты.