Абылайхан Жүсіпов – Азия чемпионы!

Қазақстанның наразылығынан кейін Абылайхан Жүсіпов Азия чемпионы деп танылды

IBA және ASBC ұйымдары осы салмақтағы ақтық сынды қайта қарастырып, 71 келі салмақта Абылайхан Жүсіповті Азия чемпионы деп таныды, ал оның қарсыласы өзбекстандық боксшыны белгілі мерзімге жарыстардан шеттету жөнінде шешім қабылдады.

Айта кетерлігі, Қазақстан бокс федерациясы 11 желтоқсан күні Чианг Мэйде (Таиланд) өткен Азия чемпионатының ерлер арасында 71 келі салмақ дәрежесіндегі финал бойынша IBA және ASBC ұйымдарына наразылық хат жолдады.

Ресми хабарламада Абылайхан Жүсіпов пен Хавасбек Асадуллаев жекпе жегінде өзбекстандық боксшы тарапынан спорттық ереже өрескел түрде бұзылғаны айтылады.

Төреші Джована Угренович (Сербия) ешқандай ескерту жасамағаны айтылып, дәлел ретінде фото және видео материалдар жолданды.

Фото: olympic.kz