Түркістанда Қожа Ахмет Иассауи кесенесінен биік ғимарат салуға заңмен тыйым салынады
Бүгін Мәжіліс аталған шаһарға ерекше мәртебе беру туралы заң жобасын мақұлдады. Премьер-министрдің орынбасары Нұрлан Байбазаров маңызды құжатты әзірлеген кезде Англия, Италия, Өзбекстан, Әзербайжан сияқты елдердің тәжірибесі негізге алынғанын айтты.
Заң жобасының негізгі жаңашылдықтары мынадай:
- Түркістанда археология ескерткіштерінің резерватын құру;
- Ұлттық қолөнер саласындағы шеберлердің шығындарын ішінара бюджеттен өтеу;
- Қожа Ахмет Ясауи кесенесінің айналасындағы құрылысты шектеу, құрылыстың бөгде элементтеріне жол бермеу және оның бірегейлігін сақтау.
- Кесенеге іргелес жатқан 100 метрлік қашықтықта, биіктігі 7 метрден асатын, ауқымы, түсі және құрылыс материалдары бойынша тарихи ескерткіштермен сәйкес келмейтін объектілер салуға жол берілмейді.
- Қала әкімдігіне кесене айналасындағы құрылыс стандарттарын белгілеу құзіреті берілмек.
Фото: inbusiness.kz