ШҚО-да үлескерлердің 1,8 млрд теңгесі жымқырылған

Құрылыс компаниясының топ менеджерлері көппәтерлі тұрғын үй кешенін саламыз деген желеумен 102 азаматты алдап, 1,8 млрд теңгені жымқырған.

Олар жалған келісімшарттар жасағаны анықталды. Іс жүзінде тұрғын үй кешенінің  тапсыру мерзімі бірнеше мәрте ұзартылғанмен, құрылыс аяқталмаған.

Компания заң талаптарын бұзған және үлескерлер қаржысын тартуға рұқсат құжаты болмаған.

Екі күдікті сот санкциясымен ұсталып, тергеу изоляторына қамалды. Тергеу барысында күдіктілердің 2,3 млрд теңге мүлкіне тыйым салынды. Қазір зардап шеккен азаматтарға қаражатты қайтару қолға алынды.

Фото: baq.kz