Сенатор құмай тазысын шетелге шығаруға тыйым салуды ұсынды

Қазақ тазысының шетелге бақылаусыз шығарылуына тыйым салу керек. Сенатор Бибігүл Жексенбай бүгінгі Парламент жоғарғы палатасының отырысында осылай деді.

Ол Үкімет басшысына жолдаған депутаттық сауалында тұқымның генофондын қорғау мәселесін де қозғады.

Қазақстанда 3 қыркүйек тазы мен төбет күні деп белгіленген. Сенатор республикада аң аулау алғашқы қалың қар түскен кезде – қансонарда басталатынын тілге тиек етті. Осыған сәйкес атаулы күнді  дәстүрлі аңшылық маусымының ресми ашылуымен байланыстыра отырып, қарашаның бірінші аптасына ауыстыру бастамасы да көтерілді.

Бұдан бөлек жазушы Мұхтар Мағауиннің «Тазының өлімі» шығармасы негізінде толықметражды көркем фильм түсіруді де қарастырған жөн, дейді депутат.

Фото: turkystan.kz