Қазақстанда банк картасын шығаруға шектеу енгізіледі

Қазақстанда банк карталарын шығару ережелеріне өзгерістер енгізіледі. Қаулы жобасын Қаржы нарығын реттеу және дамыту агенттігі жариялады.

Құжатқа сәйкес, 18 бен 21 жас аралығындағы қазақстандықтарға картаны онлайн шығаруға немесе қайта шығаруға тыйым салынбақ. Жаңа карта алу үшін олар енді банк бөлімшесіне баруы керек.

Сондай ақ, банктер бес және одан да көп картаның иелері мен 14-25 жас аралығындағы ресми табысы жоқ азаматтар, оларға туыстарынан емес, басқа тұлғалардан ірі сомада ақша түссе, үшінші тұлғалардың атына жиі аударымдар жасаса, мұны қадағалауы тиіс.

Фото: tn.kz