Кибер алаяқтықпен күресті күшейтетін заң жобасы әзірленеді

Мәжіліс Astana Hub пен Инновациялық технологиялар паркін біріктіру туралы заң жобасын екінші оқылымда мақұлдады.

- Президент 2022 жылы интернет алаяқтықпен күресті ұйымдастыруды тапсырған болатын. Қандай нәтиже алдық? Былтыр елде тіркелген алаяқтықтың 99%-ы интернет арқылы жасалған. Азаматтар алаяқтарға 12 млрд теңге аударып жіберген. Бұл 2023 жылға көрсеткіштен 3 есе көп. Қылмыстардың 80%-ы ғана ашылған. Ал ақшасын қайтарғандардың үлесі 30% ғана, 70%-ы әлі қайтара алмай жүр, - деді Мұрат Әбенов.

Сондай-ақ, депутат бір адам бір күнде өз атына бес бірдей электронды цифрлық қолтаңба рәсімдеген жағдайлар тіркелгенін айтты. Бұл алаяқтардың аяғын алшаң басуға жағдай туғызып отырса керек.

Мұрат Әбеновтің сауалына әріптестері Марат Бәшімов пен Ринат Заитов та қолдау білдірді. Бірі дроперлердің жауапкершілігін қатаңдатуды ұсынса, екіншісі Қаржы ұйымдары мен банктердің жауапкершілігін арттыру керектігін айтты.

Мәжіліс төрағасы Ерлан Қошанов депутаттардың бастамасын қолдап, шұғыл түрде кибер алаяқтықпен күресті күшейтетін жаң азаң жобасын әзірлеу туралы тапсырма берді.

- Кибер алаяқтықпен күресті күшейтіп, қылмыстық жауапкершілікті барынша қатаңдатуға тиіспіз. Сондықтан заңды күшейтпей халыққа қолайсыздық туғызып отырған алаяқтардың әрекетін тоқтату мүмкін емес. Оны біз дұрыс түсінуіміз керек. Біздің тиісті комитетке шұғыл түрде тиісті заңның жобасын дайындауды тапсырамын. Ол жұмысқа жаңа ғана бастама көтерген депутаттар да атсалысады деп ойлаймын, - деді Ерлан Қошанов.

Фото: gov.kz