Кәсіпқой бокс: Жәнібек Әлімханұлы жекпе-жек алдында салмақ өлшеді

Орта салмақта WBO және IBF нұсқасы бойынша әлем чемпионы, қазақстандық кәсіпқой боксшы Жәнібек Әлімханұлы (16-0, 11КО) кезекті қарсыласы Анауэль Нгамиссенгуемен (14-0, 9КО) жекпе-жек алдында салмақ өлшеу рәсімінен өтті.

Айта кетерлігі, боксшылар 160 фунт (72,5 кг) салмақ дәрежесінде жұдырықтасады.

Сонымен қатар бокс кешінің андеркартында шаршы алаңға шығатын Балауса Мұздыман, ағайынды Сабырхандар, Батыр Жүкембаев, Сұлтан Заурбек, Баходир Жалолов және Отабек Холматов қатарлы боксшылар салмақ өлшеуден өтіп, қарсыластарымен көз арбасты.

Еске сала кетсек, Жәнібек Әлімханұлы 5 сәуір күні Астана қаласында кезекті жекпе-жегін өткізіп, чемпиондық белдіктерін қорғайды.

Фото: inform.kz