«Хандар шежіресі» қолжазбасы ЮНЕСКО-ның халықаралық «Әлем жады» тізіміне енді

Бұл туралы Мемлекеттік кеңесші Ерлан Қарин Telegram парақшасында жазды.

«Хандар шежіресі» қолжазбасы – XVIII ғасырда жазылған, ұзындығы 3 метрден асатын бүктеме қағаз түріндегі құжат.

«ЮНЕСКО мойындаған бұл бірегей артефакт қазақ елін басқарған хандардың шежіресі бай екенін аңғартады. Сонымен қатар VI-XIX ғасырларда өмір сүрген тарихи тұлғалардың шығу тегін және олардың өзге халықтармен қалай байланыс орнатқанын түсінуге мүмкіндік береді»,- дейді Мемлекеттік кеңесші Ерлан Қарин.    

Бұған дейін ЮНЕСКО тізіміне Қожа Ахмет Ясауидің қолжазбалары, «Невада-Семей» халықаралық антиядролық қозғалысы туралы мұрағат материалдары және Арал теңізінің мұрағат қоры енгізілген.

Фото: sputnik.kz