Мемлекет басшысы Қауіпсіздік Кеңесінің отырысын өткізді

Қасым-Жомарт Тоқаевтың төрағалығымен өткен Қауіпсіздік Кеңесінің отырысында көлік-логистика саласындағы өзекті мәселелер қаралды.

Президент жүк өткізу бекеттерінің әлсіздігін, ірі инфрақұрылымдық жобалардың кешігуін және саланың жалпы ахуалын сынға алды. «Жасыл дәліз» жүйесін ұйымдастырып, логистикалық әлеуетті толық пайдалану қажет екенін айтты.

Мемлекет басшысы көлік нарығын авиаотынмен жеткілікті қамтамасыз етіп, жүк тасымалы көлемін арттыруды тапсырды.

Жиын соңында Көлік министрі Марат Қарабаевқа сөгіс жарияланды.

Саладағы проблемаларды шешу үшін нақты шаралар қабылданатын болды.