Қазақстанда жемқорлардың туыстарының мүлкін тәркілеу ұсынылды

Мүліктің заңды жолмен алынғанын дәлелдей алмаған жағдайда тәркілеу ұсынылды. "Кеңейтілген тәркілеу" деп аталатын бұл норманы енгізуді Мәжіліс депутаты Марат Башимов ұсынып отыр.

"Жақында Мәжілісте ақшаны заңсыз жолмен жылыстатуға қарсы маңызды заң жобасы бірінші оқылымға шығарылады. Мен оған халықаралық FATF (Ақшаны жылыстатуға қарсы қаржы шараларын әзірлеу тобы – ред.) ұйымы ұсынған 100-ден астам түзету мен құқықтық норма енгіздім. "Кеңейтілген тәркілеу" институты еліміз үшін аса маңызды. Өйткені мұндай көлемде ұрлық әлемде еш жерде болмаған", – деді депутат.

Көптеген елде FATF ұсынған нормалар әлдеқашан енгізілген, ал Қазақстанда бұл үдерісті "әр түрлі мүдделі топтар, әсіресе, олигархтар" әдейі тежеген.

Фото: massaget.kz