Алматыда картон мен қағаз өндіретін жаңа зауыт салынады

Алматының индустриялық аймағында 37,1 млрд теңгеге бағаланған ірі инновациялық жоба іске асуда. Бұл туралы Экология және табиғи ресурстар министрлігі хабарлады.

Жаңа кәсіпорын гофрлеу қағазын, қаптама картон және гипсокартонға арналған жабын шығарады.

Өндіріс толық жоғары технологиялы желімен жабдықталады: қағаз машиналары, тазарту құрылғылары, қазандықтар орнатылады.

Қаржыландыру аясында 12 миллиард теңге құрылыс-монтаж жұмыстарына, ал 25,1 миллиард теңге жабдықтар мен арнайы техниканы лизингке алуға бағытталған. Сонымен қатар, «KZ Recycling» ЖШС-не жылдық 3 пайыздық мөлшерлемемен, 15 жыл мерзімге заем берілетін болды.

Бұл – қайта өңдеу және қаптама саласындағы Қазақстандағы ең ірі инвестициялық жоба. Жүздеген жаңа жұмыс орны ашылады, елдің «жасыл экономикадағы» беделі артады.

Фото: ortcom.kz