Жыл басынан бері 4,4 мыңнан астам этникалық қазақ қандас мәртебесін алды

2024 жылдың басынан бері Қазақстанға оралған қандастардың 45,8 пайызы Қытайдан, 40,9 пайызы Өзбекстаннан, қалғаны Түрікменстан, Моңғолия, Ресей және басқа елдерден келген.

Олардың 59,7 пайызы – еңбекке қабілетті, 17,4 пайызының – жоғары білімі бар. Еңбек күші тапшы аймақтарға (Ақмола, Абай, Қостанай, Павлодар, СҚО және т.б.) 765 адам қоныстанды.

Қандастарға көшуге – 70 АЕК (275 мың), баспана мен коммуналдық қызметке – 15–30 АЕК (59–118 мың) көлемінде көмек көрсетіледі. Тұрғын үй алуға 4,56 миллион теңгеге дейін қайтарымсыз сертификат беріледі.

Биыл 339 қандас қолдауға ие болды, оның ішінде 136-сы тұрақты жұмысқа орналасты.

Фото: baq.kz