Бүгін елімізде «Халық заңгері» атты республикалық акция өтеді

Бүгін еліміздің барлық қаласында «Халық заңгері» атты ауқымды жалпы республикалық акция өтеді.

Шарада заңгерлер, адвокаттар мен мемлекеттік орган өкілдері азаматтардың толғандырған сұрақтарына жауап береді. Заң тұрғысынан кеңес беретін іс-шара барлық қалада ұйымдастырылады. «Халық заңгер» акциясы Астана қаласы бойынша Б.Момышұлы даңғылы, 5 мекенжайында орналасқан Әл-Фараби атындағы Оқушылар сарайында сағат 17.00-де басталады.

Айта кетейік, акция ҚР Үкіметінің қолдауымен өткізіледі.  Ұйымдастырушылар - ҚР Сыбайлас жемқорлыққа қарсы іс-қимыл агенттігі, ҚР Әділет министрлігі, Zakon.kz желілік басылымы, "Параграф" ақпараттық жүйесі, Республикалық адвокаттар алқасы, мемлекеттік билік органдары, Қазақстанның үздік заңгерлері мен адвокаттары. Мамандардан кеңес алу тегін.

Фото: ult.kz