Қазақстанда алғашқы суперкомпьютер 10 күннен кейін іске қосылады

Бұл туралы «Қазақтелеком» басқарма басшысы Бағдат Мусин мәлімдеді. Сөзінше, NVIDIA H200 негізіндегі суперкомпьютер елге жеткізілді. Енді таяу күндері Алматыда монтаж жұмыстары басталады.

«Шамамен 10 күнде дайын болады. 6,7 миллион CUDA-ядро, 1600 петафлопс, ондаған терабайт GPU-жады», – деді Бағдат Мусин.

Жүйе мемлекеттік органдарға, ұлттық компанияларға және корпоративтік тапсырыс берушілерге қолжетімді болады. Суперкомпьютер көмегімен техногендік апаттарды,  қалалардағы көлік қозғалысын алдын ала болжауға болады. Сондай-ақ, шетелдік серверлердің көмегіне жүгінбей-ақ, жасанды интеллект өнімдерді дербес іске қосуға болады.