Ресейге кіру үшін QR-код қажет

30 маусымнан бастап Ресейге визасыз режиммен кіретін шетел азаматтары үшін  талап күшейеді.  

Үкімет қаулысына сәйкес, қазақстандықтар мен басқа да шетел азаматтары Ресейге барудан кемінде 72 сағат бұрын электронды өтінім беріп, QR-код алуы тиіс. Өтінімді жуырда әзірленген RuID қосымшасы арқылы беру керек.  

Сондай-ақ, енді шекарадан өтерде биометриялық тексеру міндетті болады. Пилоттық жоба бастапқы кезеңде тек Мәскеу әуежайларында және Қазақстанмен шекарадағы Орынбор облысында орналасқан Маштаково автомобиль өткізу пунктінде іске аспақ. Бұл шектеудің дипломаттарға, алты жасқа дейінгі балаларға қатысы жоқ.

Фото: gov.kz