Жүлде қоры 45 млн теңге: Астанада ең үздік қымыз анықталады

2025 жылғы 19-20 шілде күндері Астанадағы «Қазанат» ипподромында қазақ халқының дәстүрлі сусыны қымызға арналған ауқымды гастрофестиваль өтеді, - деп хабарлайды елорда әкімдігінің ресми сайты.

Қымызды халықаралық деңгейдегі мәдени брендке айналдыруды көздейтін іс-шараға еліміздің түкпір-түкпірінен  қымыз өндірушілер мен жылқы өсіруші шаруашылықтар қатысады. Ұйымдастырушылардың болжамынша, 50-60 мың адам қатысады, сондай-ақ, қымыз өндіретін 50-ге жуық шаруа қожалығы өз өнімдерін ұсынады.

Фестиваль аясында «Ең үздік қымыз» атағы үшін байқау өтеді. Жалпы жүлде қоры –  45 миллион теңге: I орын –  20 млн тг, II орын – 15 млн тг, III орын –  10 млн тг.

Фото: gov.kz