Елордада коммуналдық қызметкерлердің құрметіне саябақ пен стелла ашылды

Астана қаласының Байқоңыр ауданында коммуналдық қызмет саласы жұмысшыларына ерекше құрмет көрсетілді. 

Астана күні мерекесіне орай елорданың коммуналдық қызмет саласы жұмысшыларының құрметіне «Коммуналдық қызметкерлер» саябағы және стелла салтанатты түрде ашылды. 

Саябақтың жалпы ауданы 10 700 шаршы метрді құрайды және ол Жұбанов көшесінен Пушкин көшесіне дейінгі аумақты қамтиды. Абаттандыру жұмысы аясында 3 500 шаршы метр аумақта кеспетастар және 2 000 шаршы метр асфальт жабыны төселді. Одан бөлек, 100 көлікке арналған автотұрақ қарастырылған. 

Фото: Дәулет Ізтілеу