Келесі жылдан бастап тегін дәрі-дәрмек электрондық рецепт арқылы беріледі

Бұл «Әлеуметтік әмиян» жобасы аясында жүзеге асырылады. Денсаулық сақтау министрлігі мәліметінше, әзірге тек емхана жанындағы дәріханаларда ғана тегін дәрі-дәрмек алуға болады.

Бұрын қағаз рецептіні жоғалту қаупі болса, қазір дәрігердің жазып бергені бірден жүйеге тіркеледі. Азамат дәріханаға келгенде eGov Mobile немесе басқа қосымшадағы QR-кодты көрсетсе жеткілікті.

Енді келер жылдан бастап бұл жүйеге жекеменшік дәріханалар да қосылады. Пилоттық жоба сынақтан сәтті өтсе, тек тегін препараттарды ғана емес, дәрі-дәрмектің кез келген түрін электронды рецепт арқылы алуға болады.

Фото: egemen.kz