Отандық ғалымдар суды көп қажет етпейтін жаңа күріш сортын таныстырды

Қызылорда облысында Ы.Жақаев атындағы Қазақ күріш шаруашылығы ғылыми-зерттеу институты жаңа күріш сортын сынақтан өткізіп жатыр. «Сыр сұлуы» деп аталатын бұл сорт аз уақытта пісіп-жетіледі әрі суды көп қажет етпейді. Су ресурстары министрлігі осылай дейді.

Жаңа күріш сорты 105-110 күнде пісіп-жетіліп, жергілікті ауа райы мен топыраққа толық бейімделген. Барлық агротехникалық талап орындалған жағдайда гектарынан 80-85 центнерге дейін өнім алуға болады.

Қазіргі таңда Қызылорда облысында негізінен ресейлік күріш сорттары өсіріледі. Олар толық өсіп-өну үшін 120-125 күн уақыт кетеді.

Фото: naryk.kz