Алаяқтар автокөлік иелерін де алдай бастады

Жол ережесін бұзғаны үшін жалған айыппұл туралы хабарлама электронды пошта не мессенджер арқылы келеді.

Онда жүргізушінің жеке деректері мен көлік нөмірі көрсетіліп, «төлеуге арналған»  сілтеме беріледі. Бұл – фишинг шабуылы. Егер адам карта деректерін енгізсе, алаяқтар оның есепшотына қол жеткізе алады.

Полиция ескертеді:
▫️Ресми айыппұл хабарламалары тек 1414 нөмірінен келеді;
▫️Сілтемелер ешқашан жіберілмейді;
▫️Айыппұлды тек egov.kz, qamqor.kz немесе банктердің қосымшалары арқылы тексеруге болады.

Егер карта деректерін енгізіп қойсаңыз, дереу картаны бұғаттап, банк пен полицияға хабарласу қажет.

Фото: egemen.kz