«7-20-25» бағдарламасы бойынша баспана алу лимиті көтерілді

Қазақстан Ұлттық банкі «7-20-25» ипотекалық бағдарламасы аясында сатып алынатын тұрғын үйдің ең жоғары бағасын көтерді.

Енді Астана, Алматы және олардың маңайындағы аймақтарда, сондай-ақ Ақтау, Атырау және Шымкент қалаларында баспана құнының шекті мөлшері 25 млн теңгеден 30 млн теңгеге дейін артты. Қарағандыда лимит 20 млн-нан 25 млн теңгеге, басқа өңірлерде 15 млн-нан 20 млн теңгеге көтерілді.

Сонымен қатар, енді қарыз алушылар төлем қабілеттілігін растау үшін бірге қарыз алушылармен қатар кепілгерлерді да тарта алады.

Банк өкілдерінің айтуынша, қарыз өтінімдерін қарастырғанда басты шарт — қарыз алушының тұрақты табысы. Бағдарламаның өзге шарттары мен талаптары өзгеріссіз қалады.

Фото: gov.kz