«Shalqar» радиосына «KAZZINC» компаниясы 20 компьютер сыйға тартты

«Shalqar» радиосына «KAZZINC» компаниясы техникалық мүмкіндіктері мол, заманауи 20 компьютер сыйға тартты. Жаңа компьютерлерді «Қазақ радиолары» ЖШС Бас директоры Нұртас Солтанұлы арна қызметкерлеріне табыстады.

Шараға радио ардагерлері, серіктестік қызметкерлері, ақпарат құралдарының өкілдері қатысты. Жаңа құрылғыларға журналистер шын қуанып, алғысын білдірсе, радио ардагері, дауылпаз диктор Аманжан Еңсебайұлы ризашылығын айтып, батасын берді.

Демеушілік жасаған «KAZZINC» ЖШС  және осы компанияның Әкімшілік мәселелер бойынша атқарушы директоры Андрей Павлович Лазаревке ерекше алғыс білдіреміз.