Қазақстан әлемдегі экономикасы дамыған 50 елдің қатарына енді

Халықаралық валюта қорының 2026 жылға арналған болжамына сәйкес, Қазақстанның жалпы ішкі өнімінің (ЖІӨ) көлемі шамамен 320 млрд АҚШ долларын құрайды. Бұл көрсеткіш елге әлемдегі ең ірі топ-50 экономика қатарына енуге мүмкіндік береді.

Ұсынылған деректерге сай, Қазақстан Норвегия, Перу  және Филиппин сияқты мемлекеттермен шамалас деңгейде орналасып, Еуропа, Африка және Латын Америкасындағы бірқатар елдерді басып озған.

Жаһандық рейтингте көшбасшы орындарды бұрынғысынша АҚШ пен Қытай  сақтап отыр. Ал ең ірі бес экономиканың қатарына сондай-ақ Германия, Үндістан және Жапония кіреді.

2026 жылы әлемдік ЖІӨ-нің жиынтық көлемі 123,6 трлн АҚШ долларына жетеді деп болжануда.

Дереккөз: IMF, World Economic Outlook

Фото: 7kun.kz