ҰҚК халықаралық деңгейде арнайы операция өткізді
Алматы қаласында Ұлттық қауіпсіздік комитеті шетелдік әріптестермен бірлесіп халықаралық есірткі арнасының жолын кесуге бағытталған арнайы операция жүргізді.
Нәтижесінде синтетикалық есірткінің ірі партиясын алмақ болған Қазақстан азаматы ұсталды. Күдіктіден шамамен 8 келі метамфетамин тәркіленген.
Аталған дерек бойынша Қылмыстық кодекстің 297-бабы 3-бөлігі бойынша сотқа дейінгі тергеу басталды. Сот санкциясымен күдікті қамауға алынды.
Фото: ҰҚҚ