Таяу Шығыс елдерінен 3300-ден астам қазақстандық елге оралды
Сыртқы істер министрлігі құзырлы мемлекеттік органдармен бірлесіп, Таяу Шығыстан азаматтарымызды қайтару жұмыстарын жалғастыруда.
Эвакуация басталғалы бері 12 әуе рейсі арқылы 3300-ден астам қазақстандық елге оралды.
«Әуе рейстерімен қатар, азаматтарды шығару жерүсті жолдары арқылы да жүзеге асырылуда. Ирандағы дипломаттар 6 наурызда «Заркух» компаниясында жұмыс істейтін 7 қазақстандық азаматты иран-армян шекарасына жеткізуді жоспарлауда. Бұған дейін Тегеран мен Еревандағы дипломаттар Иран аумағында қалған «Заркух» компаниясының 34 қызметкерінің елден шығуын ұйымдастырып, олар автобуспен иран-армян шекарасынан өтті», - делінген СІМ хабарламасында.
Жалпы, Ираннан бүгінге дейін 52 Қазақстан азаматы елге қайтарылды.
Фото: Kazinform