Атырауда жоғалған отбасы: Тағы екі адамның мәйіті табылды

Индонезияда ұсталған күдікті Сұлтан Сәрсемәлиев пен Ақбаян Мұқанғалиева Қазақстанға жеткізілді.

Күдікті ұсталғаннан кейін кінәсын мойындаған. Нәтижесінде хабар-ошарсыз кеткен ұл мен қыздың мәйіттері Атыраудағы үй ауласынан табылды.

Тергеу екі және одан да көп адамды өлтіру бабы бойынша жүргізілуде.

ІІМ Криминалдық полиция департаментінің бастығы Қанат Нұрмағамбетовтың айтуынша, қылмысқа ұзақ уақытқа созылған тұрмыстық жанжалдар себеп болған.

Отбасының кіші қызының бұл іске қатысы бар-жоғы тексеріліп жатыр. Психикалық жағдайын анықтау мақсатында сот-психиатриялық сараптама тағайындалып, медициналық мекемеге жеткізілді.

Фото: aikyn.kz