Түркістан облысында мың бала асық ойнап, рекорд орнатты

Түркістан облысында Наурызнама аясындағы «Ұлттық спорт» күні ерекше оқиғамен есте қалды. «Түркістан арена» стадионында бір мезетте мыңнан астам бала асық ойнап, Қазақстанның «КИнЭС» рекордтар кітабына енді.

Шараға өңірдің барлық аудан-қалаларынан оқушылар қатысып, рекордты «КИнЭС» кітабының ресми өкілі Бақытжан Тастүлеков арнайы сертификатпен растады.

Бастама эстафета ретінде Шымкент қаласына жолданды.

Фото: Ерсұлтан Әмірбектен