Маңғыстауда Үстірт тау қойы көбейіп келеді

Маңғыстауда Үстірт тау қойының саны артып келеді. «Қызылсай» мемлекеттік өңірлік табиғи паркінің инспекторлары ерекше қорғалатын табиғи аумақтарда жабайы жануарларға көктемгі санақ жүргізді.

Мамандар жан-жануарлардың қыс мезгілінен қалай шыққанын, жәй-күйін бақылаған. Нәтижесінде Қазақстанның «Қызыл кітабына» енген Үстірт тау қойының саны былтырмен салыстырғанда біраз өскені анықталды.

Одан бөлек қарақұйрық, қарақал, қарабауыр бұлдырық, жұртшы, ителгі, дала қыраны, тазқара сияқты «Қызыл кітапқа» енген аң-құстар кездесіп, тіркелген.

Фото: "Қызылсай" мемлекететтік өңірлік табиғи паркі