«Жер сағаты» экологиялық акциясына әлемде 2 млрд-тан астам адам қатысты

«Жер сағаты» экологиялық акциясына әлемде 2 млрд-тан астам адам қатысты.

28 наурыз күні елімізде Жер сағаты экологиялық акциясы өтті. Жергілікті уақыт бойынша сағат 20:30-да көпқабатты үйлер, кеңселер және көше ғимараттарының жарығы бір сағатқа сөндірілді. Жалпы бұл акция  Дүниежүзілік жабайы табиғат қорының ұйымдастыруымен өтетін жыл сайынғы халықаралық шара. Ұйым осы акция арқылы планетаның болашағына бей-жай қарамауға шақырады. Биыл еліміз бойынша 500-ден астам нысан акцияға қатысты. Оның ішінде Ақорда резиденциясы, «Бәйтерек» монументі, Тәуелсіздік сарайы, «Әзірет Сұлтан» мешіті, спорт нысандары, оқу орындары, өндірістік мекемелер және өзге де ғимараттар қосылды. «Жер сағаты» - бұл планетадағы ең ірі экологиялық науқан болып саналады. Оған дүниежүзінде 2 млрд-тан астам адам қатысады.

Фото: gov.kz