Төрехан Сабырхан Азия чемпионатының жартылай финалына жолдама алды

Төрехан Сабырхан Азия чемпионатының жартылай финалына жолдама алды

Моңғолия астанасы Ұлан-Батыр қаласында өтіп жатқан Азия чемпионатында қазақстандық боксшы Төрехан Сабырхан жартылай финалға жолдама алды.

70 келі салмақта өнер көрсетіп жатқан отандасымыз ширек финалда тәжікстандық Шамшиер Саидовпен қолғап түйістірді. Тартысқа толы өткен жекпе-жекте төрешілердің шешімімен (4:1) жеңіс Төрехан Сабырханға берілді.

Осылайша, қазақстандық боксшы жартылай финалға шығып, кем дегенде қола жүлдені қамтамасыз етті.

Жартылай финалда ол моңғолиялық Бямба-Эрдэнэ Отгонбаатар мен қытайлық Пен Чен Ван арасындағы жекпе-жектің жеңімпазымен жұдырықтасады.

Сонымен қатар, ол жастар мен жасөспірімдер арасында Азияның бірнеше дүркін чемпионы және жастар арасындағы әлем чемпионы.

Айта кетейік, Төрехан Сабырхан 2025 жылы Ливерпуль қаласында World Boxing ұйымдастырған тұңғыш әлем чемпионатында 70 келіде небәрі 19 жасында чемпион атанған.


Фото:ҚБФ