Алтын алқа ұрлығы ЖИ көмегімен ашылды
Оралда полиция қызметкерлері жасанды интеллект көмегімен алтын әшекей ұрлығын әшкереледі. 33 жастағы әйел сауда үйіндегі зергерлік дүкенге барып, құны 600 мың теңге тұратын алтын алқаны ұрлап кеткен.
Күдіктінің жеке басын анықтау барысында криминалистер жасанды интеллект негізіндегі аппараттық-бағдарламалық кешенді қолданған.
Құрылғы бет-әлпетті тануға және тұлғаны сәйкестендіруге мүмкіндік береді. Ұрланған мүлік тәркіленді. Әйелге қатысты сотқа дейінгі тергеу басталды.
Фото: видео скриншот