Астанада көшелердің бірі екі апта бойы жабық болады

Астанада көшелердің бірі екі апта бойы жабық болады

Астана Көлік және жол-көлік инфрақұрылымын дамыту басқармасы 10-25 сәуір аралығында Ж.Нәжімеденов көшесінің А-52 көшесінен С. Шәймерденов көшесіне дейінгі аралығына орташа жөндеу жүргізеді.

Әкімдік мәліметінше, осы уақытта көлік қозғалысы екі бағытта бір жағынан кезең-кезеңімен ұйымдастырылады. Көрсетілген учаскеде жол кептелісін азайту мақсатында қатар жатқан А.Байтұрсынұлы көшесі арқылы қатынауға болады.

"Жүргізушілер мен жаяу жүргіншілер қозғалыс бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады", - деп қосты әкімдік өкілдері.


Фото:NUR.KZ