Тоқаев БҰҰ-ның Қазақстандағы өңірлік орталығы туралы заңдарға қол қойды

Тоқаев БҰҰ-ның Қазақстандағы өңірлік орталығы туралы заңдарға қол қойды 

Қасым-Жомарт Тоқаев БҰҰ-ның өңірлік орталығы туралы екі заңға қол қойды
17 маусымда Мемлекет басшысы "Қазақстан Республикасының Үкіметі мен Біріккен Ұлттар Ұйымы арасындағы Қазақстан Республикасында Біріккен Ұлттар Ұйымының Орталық Азия мен Ауғанстан үшін орнықты даму мақсаттары жөніндегі өңірлік орталығын құру туралы келісімді ратификациялау туралы" заңға қол қойды.
Сондай-ақ Президент "Қазақстан Республикасының Үкіметі мен Біріккен Ұлттар Ұйымы арасындағы Біріккен Ұлттар Ұйымының Орталық Азия мен Ауғанстан үшін орнықты даму саласындағы мақсаттар жөніндегі өңірлік орталығына қатысты өзара түсіністік туралы меморандумды ратификациялау туралы" заңға қол қойды.
Бұған дейін өңірлік орталық орнықты даму мақсаттарын іске асыру бойынша өңірлік үйлестіруді күшейтуге, техникалық көмек бағдарламаларының, тәжірибе алмасудың және талдамалық қолдаудың тиімділігін арттыруға, сондай-ақ Қазақстанның БҰҰ-мен және өңір мемлекеттерімен ынтымақтастығын нығайтуға бағытталғаны хабарланған болатын.

Фото: Ақорда