Бүгін алғысты кімге айту керек?
Бүгінгі "Алғыс айту" күнінде қазақстандықтар әлеуметтік желілерде бір-біріне алғыс айтып жатқанына қарағанда, атаулы күннің мәні басқаша сипат алып бара жатқан секілді.
Елбасымыз бұл күн туралы:
«Қазақстан халқы ассамблеясы құрылған күн – 1 наурызды жыл сайын Барлық этностардың бір-біріне мейірбандық танытып, ол адамдарды өз туғанындай қабылдаған қазақтарға алғыс айту күні ретінде атап өту әділетті болар еді. Ол күн бізді бұрынғыдан да гөрі жақындастыра түспек. Бұл күн мейірімділіктің, бүкіл қазақстандықтардың бір-біріне деген достығы мен махаббатының жарқын мерекесі бола алар еді», – деп түсіндіріп берген еді.
Менің ұлтым – татар, жолдасым – орыс. Ұлтымыз әртүрлі болғанымен бұл біздің отбасын құрып, бала тәрбиелеуімізге кедергі келтірген жоқ. Жоғары білімді Ресейде алдым, бірақ бұл менің Қазақстанда өмір сүріп, жұмыс істеуіме еш қиындығын туғызған жоқ. Біздің қоғамда ұлтына, наным-сенімі мен білім деңгейіне қарамастан, адамдар бір-біріне құрметпен қарайды. Мен Елбасының «Бұл күн барша қазақстандықтың бір-біріне деген мейірімділігінің, достығы мен құрметінің жарқын мейрамына айналуы тиіс» деген сөзімен толықтай келісемін. Осындай кеңпейілді халықтың арасында өмір сүріп жатқаныма әрқашанда алғыс айтамын.
© Елена МАКСЮТА, Жоғарғы соттың судьясы
"...Бұл кезде әкем дүниеден өткен. Анамның сондағы айтқан бір ауыз сөзі әлі күнге есімде. Ол маған қарап тұрып: «Қазақстанға кеттік, ол жердің халқы өте жақсы, басымызға іс түскенде олар бізге көмек қолын созған болатын» деген еді. Бір жағынан осында тұрып жатқан таныс күрдтер де бар еді. Олардың ішінде күрдтерден шыққан тұңғыш академик Надир Надиров, халыққа қадірлі ақсақал Апе Зия Бадырхан, Қазақстанның құрылыс саласының майталманы Ширин Мустафаев сияқты азаматтар болатын. Олардың барлығы Қазақ елінде елеулі еңбек етті, Қазақстанды Отаным деп санады...
Рахмет саған, Ұлы Дала елі..!"
Рахмет саған, Ұлы Дала елі..!"
©Князь МИРЗОЕВ, «Барбанг» Қазақстан күрдтері қауымдастығының төрағасы, Қазақстан халқы Ассамблеясы кеңесінің мүшесі, академик, egemen.kz