Әскери жағдайда адамды алмастыратын робот құрастырылды
Ақпараттық және есептеуіш технологиялар институтының профессоры, т.ғ.д. Е.Н.Әмірғалиев робот техникасы жүйесінде жаңалық ашты. Зерттеу барысында нысандарды автоматты түрде бақылау тәсілдері әзірленіп, адам-машина интерфейсін пайдаланатын робот сынақтан сәтті өтті.
Аталмыш робот соғыс жағдайында адам өмірін сақтап қалуға немесе адамның мүмкіндігі шектеулі жағдайларда, сонымен қатар кез-келген әскери мақсаттарда: барлау, жауынгерлік іс, минаны алып тастау және т.б. кездерде пайдалануға ұсынылады.
Жасалған робот барлаушы, сапер немесе мерген бола алады. Өте жоғары жылдамдық пен салмақ ойлы-қырлы жерлерде ара қашықтықты тез жеңуге де мүмкіндік береді. Роботқа 3D көру жүйесі мен адам-машиналық интерфейс негізіндегі бағдарламалар орнатылған.
Жобаны таныстыру кезінде ҚР Қорғаныс министрлігі қызығушылық танытып, алыстан басқарылатын және қару-жарақ орнатуға мүмкіндік беретін шуылы аз (аэромобильді әскер) әрі жылдамдығы жоғары платформа жасауды ұсынған.
Қайнар көзі: nauka.kz