Ай қараңғы,таң жарық

Ай қараңғы,таң жарық

               Ай қараңғы,таң жарық

Ай болмаса аспанда адасады, жансәулем,

Көтермесе көңілді кір басады, Қорлаш-ай.

Жақсылардың кеудесі алтын садық, жансәулем,

Кілт болмаса сандықты кім ашады, Қорлаш-ай.

Қ/с

Ай қараңғы, таң жарық,

Таңда бұлбұл сайрашы-ай.

Өлең де - өнер жігітке, өнер де - өнер, жансәулем,

Өрге шапса шын жүйрік өршеленер, Қорлаш-ай.

Осындайда құрбылар күл де ойна, жансәулем.

Жанып тұрған шырағың бір күн сөнер, Қорлаш-ай.

 Қ/с

Ай қараңғы, таң жарық,

Таңда бұлбұл сайрашы-ай.

Ай нұрланар аспанда толған сайын, жансәулем

Не демейді кей адам болған сайын, Қорлаш-ай.

Ашу пышақ болғанда, ақыл таяқ, жансәулем,

Таусылмай ма таяғың жонған сайын, Қорлаш-ай.

Қ/с

Ай қараңғы, кеш жарық,

Ей құрбылар, ойнашы-ай.