Нұр-Сұлтан - 106,8FM Алматы - 101,00 FM Шымкент - 106,40FM Талдықорған - 101,00FM Көкшетау - 101,00FM Ақтөбе - 102,20FM Атырау - 101,00FM Өскемен - 104,00FM Семей - 100,10FM Аягөз - 101,00FM Тараз - 100,80FM Орал - 101,20FM Қарағанды - 103,40FM Қызылорда - 102,00FM Ақтау - 100,5FM Павлодар - 101,00FM Петропавл - 106,80FM Түркістан - 101,00FM

Ғалымдар коронавирус жұқтыру қаупі жоғары қан топтарын анықтады

Ғалымдар коронавирус жұқтыру қаупі жоғары қан топтарын анықтады

Неміс ғалымдары COVID-19 жұқтыру қаупі жоғары қан топтарын анықтады. Ғалымдар COVID-19 бен қан топтары арасындағы байланысты көрсететін екі жаңа зерттеу жүргізді.

Ғалымдар Италия мен Испаниядан келген коронавируспен ауыратын 1610 пациентті зерттеді. Олардың ДНҚ молекулалары зерттелді. Анықталғандай, II қан тобындағы адамдарда (қазіргі классификацияға сәйкес оны А қан тобы деп те атайды) COVID-19 қаупі айтарлықтай жоғары. Атап айтқанда, I қан тобындағы адамдармен (қазіргі классификацияға сәйкес 0 қан тобы) салыстырғанда екі есе көп. Бірінші қан тобындағы адамдарға келетін болсақ, жаңа деректер олардың коронавирусқа қарсы иммунитетін мүлдем көрсетпеді, бұл олардың COVID-19 вирусының ауыр түрімен ауырып шығу қаупі барынша аз екенін білдіреді. Ал III және IV қан тобындағы немесе қазіргі классификация бойынша В және АБ топтарындағы коронавирус жұқтырған науқастарда COVID-19 вирусымен ауырудың айқын тенденциясы байқалмайды.

14 қазанда Blood Advances мамандандырылған басылымында тағы екі зерттеудің нәтижелері жарияланды. Неміс және норвег ғалымдары коронавирусты жұқтырған жағдайда I қан тобындағы адамдарда ауру жеңіл түрде жүреді деген тұжырымдарын растады. Грац медициналық университетінің ғалымдары қазір мұның себебін білуге тырысып жатыр.


Дереккөз: inform.kz