Қазақстанда қолданылатын барлық вакциналар қауіпсіз

Тағы да абай болуға шақырамыз, вирус ешқайда кеткен жоқ, Эпидемиологиялық жағдайдың одан әрі қалай өзгеретіндігі тек өзімізге байланысты. Премьер-Министрдің орынбасары Ералы Тоғжанов Орталық коммуникациялар қызметінде өткен брифингте өз сөзін осылай қорытындылады.

«Өкінішке орай, біз күн сайын коронавирустың салдарынан азаматтарымыздан айырылудамыз. Егер халықтың басым бөлігі вакцинацияны уақтылы жасаса, бұл қайғылы жағдайлардың алдын алуға болатын еді. «Дельта» («Үнді») штаммы одан да күшті және 2 есе тез таралуы мүмкін. Үндістан мен Ресей Федерациясындағы жағдай осыны растап отыр, онда күн сайын 50 мыңнан астам және 17 мың жағдай тіркеледі. Бұл денсаулық сақтау жүйесіне үлкен ауыртпалық әкеледі. Сондықтан вакцинацияланбаған әрбір қазақстандық қауіпсізденіп, тез арада егілуі керек!»,- деп атап өтті спикер.

Ол Қазақстанда қолданылатын барлық вакциналар тиімді, ең бастысы қауіпсіз деп сендірді! Сондай-ақ, сақтық шараларын қатаң сақтау: маска кию, әлеуметтік қашықтықты сақтау және басқа да алдын алу шараларын қолдану күнделікті әдетке айналуы тиіс.