Нұр-Сұлтан - 106,8FM Алматы - 101,00 FM Шымкент - 106,40FM Талдықорған - 101,00FM Көкшетау - 101,00FM Ақтөбе - 102,20FM Атырау - 101,00FM Өскемен - 104,00FM Семей - 100,10FM Аягөз - 101,00FM Тараз - 100,80FM Орал - 101,20FM Қарағанды - 103,40FM Қызылорда - 102,00FM Ақтау - 100,5FM Павлодар - 101,00FM Петропавл - 106,80FM Түркістан - 101,00FM

Қазақстан Елшісі Ливан Президентіне сенім грамоталарын тапсырды

Қазақстан Елшісі Ливан Президентіне сенім грамоталарын тапсырды

Қазақстанның Ливан Республикасындағы Елшісі Расул Жұмалы осы елдің Президенті генерал Мишель Аунға сенім грамоталарын тапсырып, ресми түрде қызметіне кірісті.

Салтанатты шарадан кейінгі кездесу барысында мемлекет басшысына Қазақстанның сыртқы және ішкі саясаты, елдегі демократиялық және нарықтық реформалардың жай-күйі туралы қысқаша баяндалды. Президент Қасым-Жомарт Тоқаевтың Ливандағы бұған дейінгі ҚР Дипломатиялық миссиясын Елшілік деңгейіне көтеру жайлы шешімі айтыла келе, Қазақстан тарапының Араб әлемімен, оның ішінде Ливанмен ынтымақтастықты дамытуға мүдделі екені жеткізілді.

М.Аун өз кезегінде Ливанның Қазақстанмен түрлі салаларда ықпалдыстықты өрбітуге ынталы екендігін мәлімдеді. Атап айтқанда, ол екіжақты сауда-экономикалық, гуманитарлық және туристтік байланыстардың болашағына үлкен үмітпен қарайтынын сөз етті. Сұхбат соңында Ливанның Президенті Қазақстан басшылығы мен халқына игі тілектерін жолдады.



Дереккөз: ҚР СІМ