Кемел Тоқаевтың 100 жылдығына орай шығармашылық байқау өтеді

Әл-Фараби атындағы Қазақ ұлттық университетінің журналистика факультеті қазақ әдебиетінің көрнекті өкілі, жазушы, журналист Кемел Тоқаевтың 100 жылдығына орай «Замандас сыры»  республикалық студенттер, магистранттар, PhD-докторанттар арасында шығармашылық байқау жариялайды.

Жазушының өмірі мен шығармашылығына арналған сайыс ережесіне сәйкес, студенттер, магистранттар, PhD-докторанттар, жас ғалымдар құқықтық, этика тақырыптарындағы журналистік зерттеулер, детектив жанрына арналған ғылыми-зерттеу, шығармашылық жұмыстарын жолдай алады. Байқау материалдары zamandas.syry@gmail.com электрондық поштасы арқылы 29-шы қыркүйекке дейін қабылданады. Іріктеуден өткен шығармашылық жұмыстар ашық түрде «Замандас сыры» байқауы» Telegram каналында жарияланады.

Фото: qazaquni.kz