Президенттің Олимпиада жүлдегерлерімен кездесуі шегерілді

Президенттің Олимпиада жүлдегерлерімен кездесуі шегерілді, деп хабарлайды qazradio.fm.

15 тамызда Мемлекет басшысы Қасым-Жомарт Тоқаев Париж Олимпиадасының жеңімпаздары және жүлдегерлерімен кездеседі деп жоспарланған болатын.

«Өздеріңізге белгілі, Президент кеше Париж Олимпиадасының жүлдегерлері мен бапкерлер құрамын мемлекеттік наградалармен марапаттау туралы Жарлыққа қол қойды. Қасым-Жомарт Кемелұлы Ұлттық құрама мүшелерімен бүгін кездесуді жоспарлаған болатын. Өкінішке қарай, атлеттер мен жаттықтырушылардың жартысынан коронавирус инфекциясы анықталды. Сол себепті кездесу кейінге шегерілді. Спортшылар мен бапкерлердің тезірек сауығып кетуіне тілектеспіз», – деді ҚР Президентінің кеңесшісі – Президенттің Баспасөз хатшысы.

Фото: Ақорда