Қазақ ұлттық өнер университетіне Күләш Байсейітованың есімі берілді

Қазақ ұлттық өнер университетіне ресми түрде аңызға айналған опера әншісі Күләш Байсейітованың есімі берілді. Бұл туралы ҚР Мәдениет және ақпарат министрлігінің баспасөз қызметі хабарлады.

Күләш Байсейітова – Қазақтың көрнекті әншісі, драмалық актриса, КСРО халық әртісі, КСРО мемлектеттік сыйлығының иегері, Қазақстанның музыкалық-драмалық өнерінің негізін салушылардың бірі.

Еске сала кетейік, оқу орнын қайта атау туралы шешімді Қазақстан Республикасының Президенті Қасым-Жомарт Тоқаев қабылдап, бұл туралы өткен жылы мәдениет және өнер қызметкерлерін марапаттау рәсімінде жариялаған болатын.

Фото: kz.polomap.com