Мемлекет басшысы Финляндия Президентімен келіссөз жүргізді

Қасым-Жомарт Тоқаев Қазақстан мен Финляндия арасында достыққа әрі өзара түсіністікке негізделген ықпалдастық орнағанын айтты. Екі елдің арасында шешімін таппаған мәселе жоқ екеніне тоқталды. Сондай-ақ инвестиция және сауда салаларында бірқатар мүмкіндік бар екенін жеткізді.

«Қазақстандықтар Финляндияны, сіздердің салт-дәстүрлеріңіз бен мәдениеттеріңізді құрметтейді. Көптеген отандасымыз Сіздің елге турист ретінде жиі барады. Сапарыңыз мемлекеттер арасындағы серіктестікті нығайту үшін жаңа мүмкіндіктерге жол ашатынына сенімдімін», - деді Президент.

Ал Финляндия президенті Александр Стубб келіссөздер барысында екі бағытқа назар аударатынын айтты. Біріншісі - қарым-қатынас және іскерлік байланыстар болса, екінші бағыт– сыртқы саясат және қауіпсіздік екеніне тоқталды.

Фото: Ақорда