Ыстық басылмайды: 1 тамыздан бастап Қазақстанның қай өңірлерінде күн салқындайды?

Ыстық басылмайды: 1 тамыздан бастап Қазақстанның қай өңірлерінде күн салқындайды?

"Қазгидромет" синоптиктері 1, 2 және 3 тамызға арналған ауа райы болжамын ұсынды
Болжамға сәйкес, алдағы үш тәулікте Қазақстан тұрғындарын құбылмалы ауа райы күтеді. Елдің басым бөлігінде аптап сақталады, алайда бірқатар өңірде найзағайлы жаңбыр жауып, бұршақ түседі және екпінді жел соғады деп күтіледі.
Қай өңірлерде аптап болады?
Синоптиктердің болжамы бойынша, ең жоғары температура елдің оңтүстігінде, оңтүстік-шығысында, шығысында және орталық аймақтарында сақталады.
Күндіз бұл өңірлерде ауа температурасы +35…+40 градусқа дейін көтеріледі. Мұндай көрсеткіш осы кезеңдегі климаттық нормадан айтарлықтай жоғары.
Қай жерде жаңбыр жауады?
Ыстық ауа райына қарамастан, атмосфералық жағдай тұрақсыз болады. Қазақстанның басым бөлігінде найзағай ойнап, өткінші жаңбыр жаууы мүмкін. Сонымен қатар солтүстік және орталық облыстарда кей жерлерде нөсер жауын жауып, бұршақ түсуі және екпінді жел соғады деп болжанады.
Ауа райы қашан салқындайды?
Синоптиктер ауа райындағы алғашқы өзгерістерді елдің батысында күтеді. 1 тамыздан бастап бұл аймаққа салқын ауа массалары келе бастайды, соның салдарынан температура сәл төмендейді, бірақ әлі де климаттық нормадан жоғары болып қала береді.

Фото: Tengrinews.kz / Тұрар Қазанғапов