“Ел өміріндегі маңызды оқиға болмақ“ - Тоқаев Құрылтай сайлауы туралы

“Ел өміріндегі маңызды оқиға болмақ“ - Тоқаев Құрылтай сайлауы туралы 

Президент Қасым-Жомарт Тоқаев қазір Қазақстан жан-жақты жаңғыру жолына түсіп, елімізде түбегейлі өзгерістер жасалып жатқанына назар аударды
Мемлекет басшысы ұлт тағдырын айқындайтын тарихи шешімдер қабылданғанын айтып өтті.
"Біз біртұтас қоғам болып жалпыұлттық референдум өткіздік, жаңа Конституциямызды қабылдадық. Азаматтарымыз жаңа Ата заңды бірауыздан қолдап, дауыс берді. Қазақта "Береке бастауы – бірлік" деген жақсы сөз бар. Біз ырысты ынтымағымызды сақтай білсек, еліміз де өсіп-өркендей береді. Көп ұзамай Қазақстан тарихында алғаш рет Құрылтай сайлауы өтеді. Бұл ел өміріндегі маңызды оқиға болмақ. Қазір науқан белсенді өтіп жатыр. Партиялар саяси мәдениеттің озық үлгісін көрсетуде. Алдымызда өте жауапты кезең тұр. Ұлт болып ұйысып, бір ел болып жұмыла еңбек етеміз деп сенемін", – деді Қасым-Жомарт Тоқаев.
Еске салайық, қазақстандықтар 2026 жылдың 23 тамызында өтетін Құрылтай сайлауында қай жерде дауыс беретінін алдын ала біле алады. Орталық сайлау комиссиясы бұған дейін азаматтарға ЖСН арқылы өз сайлау учаскесін табуға мүмкіндік беретін онлайн қызметті іске қосқан болатын.

Фото: Ақорда баспасөз қызметі