Астана - 106,8FM Алматы - 101,00 FM Шымкент - 106,40FM Талдықорған - 101,00FM Көкшетау - 101,00FM Ақтөбе - 102,20FM Атырау - 101,00FM Өскемен - 104,00FM Семей - 100,10FM Аягөз - 101,00FM Тараз - 100,80FM Орал - 101,20FM Қарағанды - 103,40FM Қызылорда - 102,00FM Ақтау - 100,5FM Павлодар - 101,00FM Петропавл - 106,80FM Түркістан - 101,00FM

Ең көп ажырасу Қостанай, Павлодар, Солтүстік Қазақстан облыстарында тіркелген

Ең көп ажырасу Қостанай, Павлодар, Солтүстік Қазақстан облыстарында тіркелген

Некесін бұзғандардың орташа жасы 35-42 жас. Әділет министрлігі Тіркеу қызметі және заң қызметін ұйымдастыру департаментінің бас сарапшысы Маржан Дінғалиева осылай деді. Оның айтуынша, Түркістан, Қызылорда, Маңғыстау өңірлерінде ажырасу аз. Ерлер үшін некеге тұрғандардың орташа жасы 26-29 жас, әйелдер үшін 23-28. Ажырасулар санының тіркелген некелер санына пропорциясы тұрақты түрде артып келеді, - деп хабарлайды «Қазақ радиоларының» жаңалықтар қызметі.

2017 жылы 141 мың 785 неке тіркеліп, 54 мың 948 неке бұзылған (арақатынасы 2,6); 2018 жылы 138 мың 876 неке тіркелген, 54 мың 859 неке бұзылған (арақатынасы 2,5); 2019 жылы (9 желтоқсанға дейін) 124 мың 92 неке тіркеліп, 53 мың 775 неке бұзылған (арақатынасы 2,3).

Ажырасудың ең төменгі деңгейі Түркістан (18,7%), Қызылорда (23,8%), Маңғыстау (24,9%) облыстарына тиесілі. Ал Алматы, Нұр-Сұлтан, ШҚО, БҚО, Ақмола және Қарағанды облыстарында неке қиғандар мен бұзғандар саны – 3:1. Қостанай, Павлодар, СҚО бұл көрсеткіш шамамен 2:1.

Биылдың өзінде Нұр-Сұлтан қаласында (9-шы желтоқсанға дейінгі мәлімет) 10 мыңнан астам неке қиылып, 4 мыңнан астамы бұзылған. Алматы қаласында 16 мыңнан астам неке қиылса, 7 мыңға жуығы ажырасқан. Шымкентте 7 мыңнан астам неке тіркеліп, 2 мыңнан астамы бұзылған.

Айта кетейік, мемлекет басшысы Қ.Тоқаев Жастар жылының жабылу салтанатына арналған жиында «қазіргі таңда ажырасу фактілері түйткілді мәселенің біріне айналды. Бұған әлі күнге дейін баса мән берілмей отыр» - деген еді.