Нұр-Сұлтан - 106,8FM Алматы - 101,00 FM Талдықорған - 101,00FM Көкшетау - 101,00FM Ақтөбе - 102,20FM Атырау - 101,00FM Өскемен - 104,00FM Семей - 100,10FM Аягөз - 101,00FM Тараз - 100,80FM Орал - 101,20FM Қарағанды - 103,40FM Қызылорда - 102,00FM Ақтау - 1341,00FM Ақтау - 100,5FM Павлодар - 101,00FM Петропавл - 106,80FM Түркістан - 101,00FM

«Ең үздік жас отбасы» байқауы басталды

«Ең үздік жас отбасы» байқауы басталды

Сертификаттарды тұрмыстық техника мен электроника сатып алуға жұмсауға болады, деп хабарлайды әкімдіктің ресми сайты.

Нұр-Сұлтан қалалық жастар саясаты мәселелері басқармасы елорда тұрғындары арасында «Ең үздік жас отбасы» байқауының басталғанын хабарлады. Оған Нұр-Сұлтанда тұратын және конкурс басталғанға дейін ресми түрде тіркелген отбасылар қатыса алады. Сондай-ақ ерлі-зайыптылардың бірінің жасы 29-дан аспауы керек.

Байқау 4 кезеңнен тұрады. Бірінші кезеңде жас отбасы қатысуға өтініш жіберіп, бейне визиткасын жариялайды.

«Бейне визитканың тақырыбы – «Бұл жарыста неге біз жеңіске жетуіміз керек?». Ол Instagram-да #NSjastary, #Меніңотбасым, #Моясемья, #OtbasyBakytMekeny, #NSotbasy2020, #Отбасыкүні2020 хэштегтерімен жариялануы керек.

Байқауға қатысушылардың бейнематериалдары «қолданыстағы» парақшада жариялануы және инстаграм парақшасы ашық болуы керек. Ұзақтығы кем дегенде 1минут және көп дегенде 3 минуттан аспауы керек.

Барлық сайыскерлер @ns_jastary, @elorda.otbasy инстаграм парақшаларына жазылуы тиіс.

Өтінімде келесі құжаттар болуы қажет:

– неке қию туралы куәліктің көшірмесі (балалардың туу туралы куәлігінің көшірмесі - бар болса) (Elorda.otbasy@gmail.com электронды поштасына немесе Whats App арқылы +77772734383 (Камила) нөміріне құжаттың скриншотын жіберуге болады);

– байланыс ақпаратын (телефон нөмірлері, тұрғылықты жері, әлеуметтік желілердегі парақшалар, отбасы мүшелерінің саны) Elorda.otbasy@gmail.com электронды поштасына немесе +77772734383 (Камила) нөміріне Whats App арқылы жіберілуі керек», – деді жастар саясаты мәселелері басқармасында.

Жеңімпаздар тұрмыстық техникаларға және электроникаға арналған сертификаттар түріндегі сыйлықтармен марапатталады.

Жүлде қоры бірінші орын үшін – 500 000 теңге, екінші орын үшін – 350 000 теңге, үшінші орын үшін – 250 000 теңге.

Финалға шыққан 7 отбасыға ынталандыру ретінде 100 000 теңгеден беріледі.

Өтініш беру мен бейнематериалдарды жариялаудың соңғы мерзімі 2020 жылдың 20 қыркүйегі, сағат 20:00-ге дейін.

Қатысуға өтінім беру үшін немесе барлық сұрақтар бойынша Instagram-дағы @elorda.otbasy аккаунтына хабарласыңыз немесе +7 777 273 4383 нөміріне қоңырау шалыңыз.